Н.А.Карповіч расказала пра ролю Канстытуцыі Рэспублікі Беларусь як прававой асновы жыцця грамадства і дзяржавы, сцвярджэння сацыяльнай справядлівасці і роўнасці правоў і магчымасцяў для кожнага; пра дзейнасць дзяржавы, якая падтрымлівае духоўнае, маральнае, інтэлектуальнае і фізічнае развіццё моладзі, садзейнічае рэалізацыі яе патэнцыялу ў інтарэсах усяго грамадства і пастаянна пашырае магчымасці атрымання якаснай адукацыі і гарантыі працаўладкавання, вырашае жыллёвыя пытанні, павялічвае меры падтрымкі сем’яў з дзецьмі, адрасаваныя моладзі. Пры гэтым было падкрэслена, што для грамадства і дзяржавы адукаваная і патрыятычная моладзь – гэта ключавы стратэгічны рэсурс канстытуцыйнага развіцця.

Як дэлегат VII Усебеларускага народнага сходу Н.А.Карповіч асвятліла змест Паслання Прэзідэнта Рэспублікі Беларусь да беларускага народа і Нацыянальнага сходу, з якім А.Р.Лукашэнка звярнуўся на пасяджэнні Усебеларускага народнага сходу, і засяродзіла ўвагу ўдзельнікаў сустрэчы на тым галоўным у пасланні, што павінен усвядоміць кожны, – на «часе канкрэтных спраў».

Удзельнікаў сустрэчы праінфармавалі пра пастаўленыя Кіраўніком дзяржавы стратэгічныя задачы, рашэнне якіх неабходна для ўмацавання эканамічнай асновы жыцця грамадства і дзяржавы ў сучасных умовах, для забеспячэння навукова-тэхнічнага суверэнітэту Беларусі, задавальнення патрэбнасцей людзей у далейшым паляпшэнні якасці іх жыцця і бяспекі жыццядзейнасці.

Асабліва цікавымі для навучэнцаў старэйшых класаў паказаліся палажэнні Паслання Прэзідэнта Рэспублікі Беларусь пра канкрэтныя напрамкі павышэння якасці адукацыі, удасканалення падрыхтоўкі сістэмай адукацыі кадраў новай фармацыі, развіцця гібкасці сістэмы прафесійнай адукацыі, пра ўвагу дзяржавы да вырашэння пытанняў працаўладкавання маладых спецыялістаў і набыцця імі жылля, да падтрымкі сямейных каштоўнасцей і абароны сем’яў з дзецьмі.

Н.А.Карповіч адзначыла, што ўсе канстытуцыйныя прыярытэты і задачы, якія змяшчаюцца ў Пасланні Прэзідэнта Рэспублікі Беларусь, адлюстраваныя ў Праграме сацыяльна-эканамічнага развіцця на 2026–2030 гады, прынятай Усебеларускім народным сходам 19 снежня 2026 г.

Падчас дыялогу таксама прагучалі адказы на шматлікія пытанні пра дзейнасць Канстытуцыйнага Суда і яго паўнамоцтвы.

Намеснік Старшыні Канстытуцыйнага Суда пажадала педагагічнаму калектыву плённай працы, а навучэнцам – паспяховай вучобы, каб у аглядным будучым яны змаглі выбраць запатрабаваную на рынку працы прафесію, навучыцца ёй у беларускіх установах адукацыі і, стаўшы кваліфікаванымі спецыялістамі, добрасумленна працаваць і годна жыць на роднай зямлі.